,,ლივერპულის” მთავარმა მწვრთნელა, იურგენ კლოპმა, ,,აიაქსთან” მატჩის წინ, ,,ნაპოლისთან” მარცხზე ისაუბრა:
,,ნაპოლისთან მატჩს ბევრჯერ ვუყურე და, სიმართლე გითხრათ, ნამდვილი საშინელება იყო. ეს იყო ,,ლივერპულის” ყველაზე ცუდი თამაში მას შემდეგ, რაც ამ გუნდის მთავარი მწვრთნელი გავხდი.
ყველას გვახსოვს ,,ასტონ ვილასთან” 2:7 წაგება და სხვა მატჩებიც, მაგრამ ,,ნაპოლისთან” არაფერი გამოგვივიდა. უნდა გავიგოთ, რატომ მოხდა ეს. ვფიქრობ, ძირითადი შემადგენლობის 8 ფეხბურთელმა ძალიან დაბალ დონეზე ითამაშა, სამმა კი საკუთარი შესაძლებლობები ვერ გამოავლინა,” – კლოპის სიტყვებს Goal.com-ი ციტირებს.
ჩემპიონთა ლიგის ჯგუფური ეტაპის პირველ ტურში ,,ნაპოლიმ” ,,ლივერპულს” 4:1 მოუგო.
ხვალ კლოპის გუნდი ამსტერდამის ,,აიაქსს” უმასპინძლებს. მატჩი 23:00 საათზეა ჩანიშნული.