საქართველოს ნაკრების შემტევი ნახევარმცველი, ლევან შენგელია საკლუბო კარიერას საბერძნეთის ჩემპიონატის წარმომადგენელ კლუბში გააგრძელებს.
ამის შესახებ ინფორმაციას “პანეთოლიკოსის” ოფიციალური გვერდი ავრცელებს.
როგორც ირკვევა, 26 წლის მარჯვენა ვინგერმა ბელგიური “ლეუვენი” თავისუფალი აგენტის სტატუსით დატოვა, ხოლო ბერძნულ კლუბთან 2-წლიანი კონტრაქტი გააფორმა.
კარიერის განმავლობაში შენგელიას გორის “დილას”, ქუთაისის “ტორპედოს”, ფოთის “კოლხეთის”, “დინამო თბილისის”, სამხრეთ კორეული “დაეხონის“, ბელგიური “ტუბიძეს” და თურქული “ქონიასპორის” შემადგენლობაში უთამაშია, 2021 წლის აგვისტოს შემდეგ კი “ლეუვენში” გამოდიოდა და 25 მატჩში 3 გოლის გატანა და 1 საგოლე პასის გაკეთება მოახერხა.
