“მანჩესტერ იუნაიტედის” ყოფილმა ვარსკვლავმა, ლი შარპმა რომელუ ლუკაკუ გააკრიტიკა და მის სუპერვარსკვლავობაში ეჭვი შეიტანა. ლი შარპის მტკიცებით, ლუკაკუს ბურთის შენარჩუნება და თანაგუნდელების თამაშში ჩართვა არ შეუძლია.
უკანასკნელი 8 მატჩის მანძილზე, ლუკაკუს მოწინააღმდეგის კარი არ აუღია – რაც მაღალი დონის ფორვარდისათვის არც ისე სახარბიელოა.
“არასდროს მინახავს ფორვარდი, რომელიც ბურთს ასე ცუდად იღებს. თუ შენი გუნდის ფორვარდს ბურთის მიღება და დამუშავება არ შეუძლია – თამაში მკვეთრად გირთულდება. მოცემულ სიტუაციაში იდეალური იქნება თუ ლუკაკუს დასვენების საშუალებას მისცემენ. რამდენიმე კვირით დასვენება და ძალების აღდგენა, მას ნამდვილად არ აწყენს”, – აღნიშნა ლი შარპმა.
