საფრანგეთის ნაკრებისა და “პსჟ-ს” თავდამხმელმა, კილიან მბაპემ წლის საუკეთესო ახალგაზრდა ფეხბურთელის წოდება პირველად გასულ წელს მოიგო. სავარაუდოა, რომ 2018 წლის მსოფლიო ჩემპიონატის ერთ-ერთი მთავარი გმირი “ოქროს ბიჭის” ტიტულს ზედიზედ მეორედ დაეუფლება.
მბაპეს კონკურენტებს ტრენტ ალექსანდერ-არნოლდი (“ლივერპული”), ფილ ფოდენი (“სიტი”), ვინიციუს ჯუნიორი (“რეალი”), ჯასტინ კლუივერტი (“რომა”), კრისტიან პულიშიჩი (“დორტმუნდი”) და სხვები წარმოადგენენ.
აღნიშნული პრიზი იტალიურმა სპორტულმა გაზეთმა, Tuttosport-მა დააწესა და მასში ცნობილი ევროპული გამოცემების ჟურნალისტები იღებენ მონაწილეობას.
ქვემოთ მოცემულია “ოქროს ბიჭის” ტიტულის მფლობელი ფეხბურთელები
- 2003 – რაფაელ ვან დერ ვაარტი;
- 2004 – უეინ რუნი;
- 2005 – ლიონელ მესი;
- 2006 – სესკ ფაბრეგასი;
- 2007 – სერხიო აგუერო;
- 2008 – ანდერსონი;
- 2009 – ალეშანდრე პატო;
- 2010 – მარიო ბალოტელი;
- 2011 – მარიო გიოტცე;
- 2012 – ისკო;
- 2013 – პოლ პოგბა;
- 2014 – რაჰიმ სტერლინგი;
- 2015 – ენტონი მარსიალი;
- 2016 – რენატო სანჩესი;
- 2017 – კილიან მბაპე.
