არგენტინის ეროვნული ნაკრების კაპიტანმა, ლეო მესიმ, განაცხადა, რომ მომდევნო მსოფლიო ჩემპიონატზე თამაში მის გეგმებში არ შედის:
,,ვფიქრობ, მომავალ მუნდიალზე არ ვითამაშებ. ეს ჩემთვის ბოლო მსოფლიო ჩემპიონატი იყო. ვნახოთ, როგორ განვითარდება მოვლენები, მაგრამ, ალბათ, შემდეგ მუნდიალზე არ ვითამაშებ,” – მესის სიტყვებს Marca ციტირებს.
კატარში გამართული მსოფლიო ჩემპიონატი, სადაც მესი არგენტინის ნაკრებთან ერთად ჩემპიონი გახდა, ლეოსთვის კარიერაში მეხუთე მუნდიალი იყო. ,,ოქროს ბურთის” 7-გზის მფლობელი აქამდე ტურნირის მოგებასთან ყველაზე ახლოს 2014 წელს იყო, როცა ,,ალბისელესტე” ფინალში გერმანიის ნაკრებთან დამარცხდა.
2026 წლის მსოფლიო ჩემპიონატს 11 ივნისიდან 19 ივლისის ჩათვლით აშშ, კანადა და მექსიკა უმასპინძლებს.