ახლახანს დასრულდა ჩემპიონთა ლიგის ნახევარფინალური ეტაპის პირველი მატჩი, სადაც მანჩესტერ “სიტიმ” მადრიდის “რეალი” 4:3 დაამარცხა.
მადრიდის “რეალისა” და გერმანიის ეროვნული ნაკრების ყოფილმა ფეხბურთელმა – მესუთ იოზილმა, ჩემპიონთა ლიგის ნახევარფინალური მატჩის შემდეგ, სოციალურ ქსელში პოსტი გამოაქვეყნა. გერმანელმა ფეხბურთელმა “Twitter”-ზე პოსტი ბენზემას მიუძღვნა: “მიეცით ჩემს ბიჭს – ბენზემას, ოქროს ბურთი”.
What a fantastic game 🤯 Give my boy Benzi the Ballon D’Or 👑☝🏼 #MCIRMA @Benzema @ChampionsLeague
— Mesut Özil (@MesutOzil1088) April 26, 2022
მესუთ იოზილი და კარიმ ბენზემა ერთად “სამეფო კლუბში” 2010-2013 წლებში თამაშობდნენ. სწორედ 2013 წელს, კარიმ ბენზემა და მესუთ იოზილი გახდნენ ლა ლიგის საუკეთესო მეპასეები მადრიდის “რეალის” რიგებში (15 საგოლე გადაცემა იოზილს, 11 საგოლე გადაცემა ბენზემას).