მრავალი წყარო იუწყება, რომ მილანმა ზლატან იბრაჰიმოვიჩის შემცვლელად “ბოლონიის” თავდამსხმელი მარკო არნაუტოვიჩი აირჩია, რომელიც კლუბთან კონტრაქტის გახანგრძლივებას არ აპირებს.
მიუხედავად იმისა, რომ “როსონერი” ახალგაზრდა თავდამსხმელის დამატებას გეგმავს, კლუბს მაინც სურს ვეტერანი, რომელიც ზლატანის ფუნქციებს მთლიანად შეითვისებს.
უკვე დიდი ხანია, რაც Sky Sport Italia, Sportitalia და MilanNews ამ ტრანფერის შესახებ წერს, რაც იმას გვაფიქრებინებს, რომ მალე არნაუტოვიჩს “მილანში” ვიხილავთ.
ფაბრიციო რომანოს თანახმად, მარკოს აგენტსა და მილანურ კლუბს შორის მოლაპარაკებები უკვე მიმდინარეობს.
