მსოფლიოს ყველაზე ასაკოვანი ფეხბურთელი, 55 წლის კაზუიოში მიურა კარიერას ,,ოლივეირენსეში” გააგრძელებს, რომელიც პორტუგალიის მეორე ლიგაში ასპარეზობს.
იაპონელი პორტუგალიურ გუნდს ,,იოკოჰამადან” იჯარით შეუერთდა.
მიურას პროფესიონალური კარიერა 1986 წელს ,,სანტოსში” დაიწყო. 1990-2000 წლებში კაზუიოში იაპონიის ეროვნულ ნაკრებში თამაშობდა და ჩატარებულ 89 მატჩში 55 გოლი გაიტანა.
,,ოლივეირენსე” პორტუგალიის სეგუნდა ლიგის 18 ტურის შემდეგ, 24 ქულით მე-9 ადგილს იკავებს.
