საქართველოს ფეხბურთის ფედერაციის პრეზიდენტი, ლევან კობიაშვილი, ევროპული ფეხბურთის მმართველი ორგანიზაციის აღმასრულებელი კომიტეტის წევრი გახდა.
ლისაბონში გამართულ UEFA-ს რიგით 47-ე ყრილობაზე ვეტერანი ქართველი ფეხბურთელი 40 ხმით იმ 7 კანდიდატს შორის მოხვდა, რომელიც აღმასრულებელ კომიტეტს დააკომპლექტებს. აღნიშნულ თანამდებობაზე, წევრები 4 წლის ვადით აირჩიეს.
ქართველი მენეჯერი უეფას აღმასრულებელ კომიტეტში ალბანელ, დანიელ, ჩეხ, ესპანელ, ფრანგ და უკრაინელ კოლეგებთან ერთად იმუშავებს.
უეფას კონგრესის მუშაობაში მონაწილეობა მიიღო სფფ-ის გენერალურმა მდივანმა დავით მუჯირმა, პირველმა ვიცე-პრეზიდენტმა კახა ჭუმბურიძემ, ვიცე-პრეზიდენტმა ალექსანდრე იაშვილმა და ვიცე-პრეზიდენტმა აკაკი ალდაშვილმა.
წყარო: საქართელოს ფეხბურთის ფედერაცია
