იტალიის ეროვნული ნაკრების ყოფილი ფეხბურთელი, ფაბიო კანავარო ,,ბენევენტოს” მთავარი მწვრთნელი გახდა. ინფორმაციას კლუბის ოფიციალური ვებგვერდი ავრცელებს.
49 წლის სპეციალისტმა გუნდთან 2-წლიანი კონტრაქტი გააფორმა და მისი პრეზენტაცია ხვალ, 22 სექტემბერს, შედგება.
,,ბენევენტო” წელს იტალიის სერია B-ში ასპარეზობს და 6 ტურის შემდეგ 7 ქულით სატურნირო ცხრილის მე-13 პოზიციაზეა.
კანავაროსთვის ეს პირველი ევროპული გუნდია. ლეგენდარული მცველი აქამდე ,,გუანჯოუს” (ჩინეთი), ,,ალ-ნასრის” (საუდის არაბეთი), ,,ტიანძინისა” (ჩინეთი) და ჩინეთის ეროვნული ნაკრების მთავარ მწვრთნელად მუშაობდა.
Fabio Cannavaro è il nuovo allenatore del @bncalcio pic.twitter.com/b8mftjLuzv
— Benevento Calcio (@bncalcio) September 21, 2022