ფილიპ კოკუმ თურქული “ფენერბახჩე” დატოვა – ჰოლანდიელი სპეციალისტის გათავისუფლების მთავარი მიზეზი საკუთარ მოედანზე “ანკარაგიუჯუსთან” ანგარიშით 1:3 დამარცხება გახდა.
თურქეთის ჩემპიონატში გამართული 10 შეხვედრის შემდეგ “ფენერბახჩე” მეთხუთმეტე პოზიციას იკავებს. ასევე აღსანიშნავია, რომ მისი ხელმძღვანელობით ჩატარებულ 16 შეხვედრაში გუნდმა მხოლოდ 4 მატჩში შეძლო გამარჯვების მოპოვება.
47 წლის სპეციალისტმა “ფენერბახჩეს” გაყვანა ჩემპიონთა ლიგაზე ვერ შეძლო. “ევროპა ლიგაზე” კი გუნდს 3 თამაშში მხოლოდ 1 მოგება აქვს მოპოვებული.
შეგახსენებთ, თურქეთში გადასვლამდე ფილიპ კოკუ “პსვ-ს” 4 წლის განმავლობაში წვრთნიდა.