ესპანური გამოცემის, Mundo Deportivo-ს ცნობით, ,,რეალ მადრიდი” ლა ლიგიდან ინგლისის პრემიერლიგაში გადასვლას განიხილავს. გავრცელებულ ინფორმაციას ,,სამეფო გუნდი” ოფიციალური განცხადებით გამოეხმაურა:
,,Mundo Deportivo-ს მიერ გავრცელებული სიახლის თაობაზე, სადაც ნათქვამია, რომ ,,რეალი” ლა ლიგიდან პრემიერლიგაში გადასვლის შესაძლებლობას განიხილავს, გვინდა განვაცხადოთ, რომ ეს ინფორმაცია სრულიად ყალბი, აბსურდული და შეუძლებელია და მიზნად ჩვენი კლუბის დაზიანებას ისახავს,” – წერია ,,რეალის” განცხადებაში.
ლა ლიგის ახალი სეზონი გუშინ ,,ვალენსიისა” და ,,ხეტაფეს” შეხვედრით გაიხსნა. ,,რეალი” პირველ მატჩს დღეს, ,,ალავესთან” სტუმრად გამართავს.
Official Announcement.#RealMadrid
— Real Madrid C.F. 🇬🇧🇺🇸 (@realmadriden) August 14, 2021