გერმანიის ბუნდესლიგის 33-ე ტურში ,,ფრაიბურგმა” ,,ბაიერნს” უმასპინძლა, მატჩი ფრედ, ანგარიშით 2:2 დასრულდა.
შეხვედრაში ანგარიში 26-ე წუთზე რობერტ ლევანდოვსკიმ გახსნა. პოლონელს მიმდინარე სეზონში გერმანიის ჩემპიონატში ჩატარებულ 28 მატჩში 40 გოლი დაუგროვდა. შედეგად, 32 წლის თავდამსხმელმა გერდ მიულერის მიერ 1971/1972 წლების სეზონში დამყარებული რეკორდი გაიმეორა.
ლევანდოვსკის ყველა დროის საუკეთესო შედეგის დასაფიქსირებლად კიდევ ერთი ტური დარჩა – 22 მაისს ,,ბაიერნი” ,,აუგსბურგს” უმასპინძლებს და იმ შემთხვევაში თუ პოლონელი თავს გამოიჩენს, ერთ სეზონში გატანილი გოლების რაოდენობით ბუნდესლიგის ერთპიროვნული რეკორდსმენი გახდება.
,,რეკორდმაისტერმა” გერმანიის ჩემპიონობა 32-ე ტურში გაიფორმა. ფლიკის გუნდი ჩემპიონატს 75 ქულით ლიდერობს.
HE’S DONE IT! 🔥🔥 ROBERT #LEWANG40LSKI. ⚽️🐐@Lewy_Official has matched Gerd Müller’s legendary #Bundesliga record of 4️⃣0️⃣ goals in a single season. 🙌 @FCBayernEN pic.twitter.com/dk4hmRhxy7
— Bundesliga English (@Bundesliga_EN) May 15, 2021