ირლანდიის ეროვნული ნაკრების ყოფილმა ფეხბურთელმა, როი კინმა, მექსიკასთან შეხვედრაში ლეო მესის თამაში შეაფასა:

,,მან გააკეთა ის, რასაც ყველა დიდი ფეხბურთელი აკეთებს. ყველაფერს ეპიზოდები წყვეტს: მისი ტექნიკა და შესანიშნავი შესრულება. ორ თამაშში ორი გოლი – ასეთ მოთამაშეებს ვერ ჩამოწერ.

არგენტინის ნაკრების მიმართ სამართლიანები რომ ვიყოთ, უნდა ვთქვათ, რომ მათ მატჩის მიმდინარეობა შეცვალეს და მოგების გზა იპოვეს. დღეს ისინი თავს ბევრად უკეთესად გრძნობენ,” – განაცხადა კინმა.

მსოფლიო ჩემპიონატის ჯგუფური ეტაპის მეორე ტურში არგენტინამ მექსიკას 2:0 მოუგო. მესიმ მატჩში გოლი გაიტანა და საგოლე გადაცემა მიითვალა.

,,ალბისელესტე” მომავალ შეხვედრას ოთხშაბათს, 30 ნოემბერს, პოლონეთის წინააღმდეგ გამართავს.

როი კინი: ,,მესიმ გააკეთა ის, რასაც ყველა დიდი ფეხბურთელი აკეთებს”