საუდის არაბეთის საფეხბურთო ლიგის თებერვლის თვის საუკეთესო ფეხბურთელი ,,ალ ნასრის” თავდამსხმელი, კრიშტიანუ რონალდუ გახდა.
პორტუგალიელმა სუპერვარსკვლავმა თებერვალში ჩატარებულ 4 შეხვედრაში 8 გოლი გაიტანა (ერთი პოკერი, ერთი ჰეთთრიკი) და 2 საგოლე გადაცემა მიითვალა, მისმა გუნდმა კი 4-დან 3 მატჩი მოიგო და 1 ფრედ დაასრულა.
საუდის არაბეთის ჩემპიონატის 18 ტურის შემდეგ, ,,ალ ნასრი” 43 ქულით სატურნირო ცხრილის პირველ პოზიციაზეა და მეორეადგილოსან ,,ალ იტიჰადს” 2 ქულით უსწრებს.
კრიშტიანუს გუნდი მომავალ მატჩს პარასკევს, 3 მარტს, ,,ალ ბათინთან” გამართავს.
