ხორვატიის ეროვნული ნაკრების შემტევი, ივან პერიშიჩი კორონავირუსით დაინფიცირდა. ინფორმაციას ქვეყნის ფეხბურთის ფედერაციის ოფიციალური ვებგვერდი ავრცელებს.
ფეხბურთელი თვითიზოლაციაშია, სადაც 10 დღე დარჩება და ამ დროის განმავლობაში ერონულ ნაკრებს ვერ დაეხმარება. გავრცელებულ განცხადებაში ვკითხულობთ, რომ ვირუსი გუნდის სხვა არცერთ წევრს არ დადასტურებია.
მიმდინარე ევროპის ჩემპიონატზე ხორვატთა გატანილი 4 გოლიდან 2 სწორედ პერიშიჩის ანგარიშზეა.
ხორვატია ევრო 2020-ის მერვედფინალში ესპანეთს ხვდება, მატჩი ხვალ, 28 ივნისს, კოპენჰაგენში გაიმართება.
Croatian Football Federation received the results of regular testing for the SARS-CoV-2 virus, which showed that player Ivan Perišić has tested positive for novel coronavirus. Media release: https://t.co/O7E9c1haeO
— HNS (@HNS_CFF) June 26, 2021
