პორტუგალიის ნაკრების თავდამსხმელმა კრიშტიანუ რონალდუმ დააანონსა, რომ ის მზად არის მონაწილეობა მიიღოს უეფას ერთა ლიგის ჯგუფური ეტაპის მე -2 ტურის შეხვედრაში შვედეთის ეროვნული გუნდის წინააღმდეგ.
“მზად ხვალინდელი დღისთვის” – დაწერა ტურინის “იუვენტუსის” გოლეადორმა Instagram-ში და თან ნაკრების ვარჯიშზე გადაღებული ფოტოები დაურთო.
Preparados para amanhã!🇵🇹💪🏼 pic.twitter.com/9iQQmJbXdc
— Cristiano Ronaldo (@Cristiano) September 7, 2020
5 ოქროს ბურთის მომგებმა ფეხბურთელმა რამდენიმე დღე ვერ ივარჯიშა, რადგან ფუტკრის ნაკბენისგან გამოწვეულ ინფექციას მკურნალობდა. მის გარეშე პორტუგალიის ნაკრებმა უეფას ერთა ლიგის პირველი ტურის მატჩში ხორვატია – 4:1 დაამარცხა.
ეროვნული გუნდის შემადგენლობაში, კრიშტიანუ მოედანზე 164-ჯერ გავიდა და 99 გოლი გაიტანა, მას ყველა დროის საუკეთესო სანაკრებო ბომბარდირის, ირანელი ალი დაეის რეკორდის მოხსნის შესაძლებლობა აქვს და იქამდე 10 ბურთის შეგდება აშორებს.
