ბელგიასთან შეხვდედრაში იტალიის ეროვნული ნაკრების მცველის, ლეონარდო სპინაცოლას მიღებული დაზიანება სერიოზული აღმოჩნდა. მატჩის 79-ე წუთზე ფეხბურთელმა მოედანი საკაცით დატოვა.
იტალიური პრესის ცნობით, სპინაცოლას აქილევსის მყესი გაუწყდა, რის გამოც, შესაძლოა, 12 თვე ვერ ითამაშოს.
28 წლის მცველი ევროპის ჩემპიონატზე ,,სკუადრა აძურას” შემადგენლობაში ერთ-ერთი გამორჩეულ იყო. სპინაცოლა მატჩის საუკეთესო ფეხბურთელად ორჯერ – თურქეთთან და შვეიცარიასთან შეხვედრებში დაასახელეს.
ევრო 2020-ის მეოთხედფინალში იტალიამ ბელგიას 2:1 მოუგო და ნახევარფინალში გავიდა, სადაც მისი მეტოქე ესპანეთის ნაკრები იქნება. მატჩი 6 ივლისს, ,,უემბლიზე” გაიმართება.
Leonardo Spinazzola broke his Achilles tendon, @SkySport just reported. He’ll be out for many months. One of the best players of the Euros so far. 🇮🇹 #Spinazzola pic.twitter.com/kWQ6VPfetm
— Fabrizio Romano (@FabrizioRomano) July 2, 2021