ნორვეგიის ეროვნული ნაკრების მთავარ მწვრთნელს, სტალე სოლბაკენს, საქართველოსთან მატჩის წინ ჰკითხეს, არსებობს თუ არა მის გუნდში მატიას ნორმანის დაბრუნების შანსი, რომელიც ,,როსტოვის” ფეხბურთელია და მიმდინარე სეზონში არენდით მოსკოვის ,,დინამოში” თამაშობს:
,,სანამ რუსეთში ითამაშებს, ნორმანს ნაკრებში დაბრუნების არანაირი შანსი არ ექნება… შანსი არაა!,” – სოლბაკენის სიტყვებს dagbladet.no ციტირებს.
ნორმანი მოსკოვის ,,დინამოში” გასული წლის სექტემბერში გადავიდა, მას შემდეგ, რაც რუსეთ-უკრაინის ომი ნახევარი წლის დაწყებული იყო.
ნორვეგიის ფეხბურთის ფედერაციამ ფეხბურთელს ტრანსფერის შემდეგ, ეროვნულ ნაკრებში თამაში მალევე აუკრძალა.
ხვალ, ევროპის ჩემპიონატის საკვალიფიკაციო ეტაპის შეხვედრაში, საქართველოს ნაკრები ნორვეგიას უმასპინძლებს, მატჩი 20:00 საათზე დაიწყება.
