იტალიის ფედერალური სასამართლოს გადაწყვეტილებით ,,იუვენტუსს” 10 ქულა დააკლდა. ,,ბებერი ქალბატონები” დამნაშავედ ცნეს სატრანსფერო გადასახადების ხელოვნურად გაზრდაში. პროკურორი სასამართლოსგან კლუბის 11 ქულით დასჯას ითხოვდა.
იანვარში იტალიის სერია A-ს სატურნირო ცხრილში ,,იუვენტუსს” ფინანსური მაქინაციის გამო, 15 ქულა ჩამოაჭრეს. ქულების დაკლების გამო, გუნდი სატურნირო ცხრილის მე-10 პოზიციაზე დაქვეითდა. თუმცა, აპრილში ტურინელებს იტალიის ოლიმპიურმა კომიტეტმა ჩამორთმეული ქულები დაუბრუნა და ალეგრის გუნდმა მე-3 ადგილზე გადაინაცვლა.
დღევანდელი გადაწყვეტილების შემდეგ, ,,იუვენტუსს” 59 ქულა გაუხდა და მე-7 ადგილზე გადავიდა.
