ბელგიის ჩემპიონატის 24-ე ტურის შეხვედრაში, “სერენმა” “ბეერშოსტი” – 2:1 დაამარცხა.
შეხვედრაში ანგარიში გიორგი მიქაუტაძემ გახსნა. საქართველოს ნაკრების 21 წლის თავდამსხმელმა მე-40 წუთზე 11-მეტრიანი დარტყმა ზუსტად შეასრულა. გარდა გოლისა, ქართველ ტალანტს რამდენიმე გამორჩეული ეპიზოდი ჰქონდა, როცა ბრწყინვალე გოლის გატანამდე სულ ცოტა დააკლდა.
ბრწყინვალე ფინტები: მიქაუტაძეს შესანიშნავ გოლამდე სულ ცოტა დააკლდა | VIDEO
მთლიანობაში, საფრანგეთში დაბადებული ქართველი ფეხბურთელი მოედანზე მყოფთა შორის საუკეთესო იყო და მისი გარჯა ევროპის წამყვანმა სტატისტიკურმა კომპანიებმა მაღალი კოეფიციენტებით შეაფასეს.
Whoscored-ის ვერსიით, მიქაუტაძემ 7.9, ხოლო Sofascore-ის აზრით 7.4 კოეფიციენტი დაიმსახურა.
გიორგი მიქაუტაძის დეტალური სტატისტიკა ასე გამოიყურება:
კარში დარტყმა: 3/3
მოგერიებული დარტყმა: 1
წარმატებული დრიბლინგი: 3/5
ბურთთან შეხება: 40
პასის სიზუსტე: 19/23 (80%)
საკვანძო პასი: 1
მოგებული ორთაბრძოლები მიწაზე: 3/8
მოგებული ორთაბრძოლები ჰაერში: 2/7
დაკარგვა: 8
ჯარიმა: 2
