იტალიური მედიის მიერ გავრცელებული ინფორმაციის მიხედვით, საფეხბურთო კლუბ “მონცას” პრეზიდენტის სილვიო ბერლუსკონის ჯანმრთელობის მდგომარეობა გაუარსედა. როგორც Corriere Della Sera იტყობინება, გულის პრობლემების გამო მისი ჰოსპიტალიზაცია აუცილებელი გახდა. ამჟამად, 86 წლის ბიზნესმენი მილანის ერთ-ერთ საავადმყოფოში იმყოფება.
შეგახსენებთ, რომ სილვიო ბერლუსკონი “მილანსაც” ედგა სათავეში. თავისუფლად შეიძლება ითქვას, რომ სწორედ ამ პერიოდში ჰქონდა “როსონერის” ისტორიაში ყველაზე წარმატებული წლები.
