ნიდერლანდების ეროვნული ნაკრებისა და ,,ლივერპულის” მცველმა, ვირჯილ ვან დაიკმა, უპასუხა შეკითხვას თუ რომელი თავდამსხმელის წინააღმდეგ გაუჭირდა თამაში კარიერის განმავლობაში ყველაზე მეტად:
,,ჟირუს… ეს არის თავდამსხმელი, რომელმაც კარიერაში ყველაზე მეტი პრობლემა შემიქმნა. რაღაც ძალებით ყოველთვის ახერხებს გოლების გატანას,” – ვან დაიკის სიტყვებს RMC Sport-ი ციტირებს.
2015-2016 წლების სეზონის შემდეგ, ვირჯილ ვან დაიკმა ოლივიე ჟირუს წინააღმდეგ სულ 12-ჯერ ითამაშა. ამ 12 შეხვედრიდან 5-ში ფრანგმა თავდამსხმელმა იმარჯვა, 4-ში ნიდერლანდელმა, 3 მატჩი კი ფრედ დასრულდა.
მიმდინარე სეზონში ჟირუს ანგარიშზე ,,მილანის” მაისურით ჩატარებულ 17 შეხვედრაში 8 გოლი და 4 საგოლე გადაცემაა.
