ნაციონალური საკალათბურთო ასოციაციის (NBA) რეგულარული სეზონის შეხვედრაში, “სან ანტონიოსა” და “ორლანდოს” დაპირისპირება შედგა. სან ანტონიოში, “AT&T Center”-ში გამართული უხვქულიანი მატჩი, მასპინძელთა გამარჯვებით 132:114 დასრულდა.
NBA-ის ქართველი გულშემატკივარი მატჩს დიდი მოლოდინით ელოდა – საკმაოდ დიდი იყო იმის ალბათობა, რომ მაყურებელს ქართული დაპირისპირება ეხილა, თუმცა გოგა ბითაძეს “ორლანდოს” რიგებში არ უთამაშია.
“სან ანტონიოს” ქართველ ლეგიონერს კარგი მატჩი ჰქონდა. პარკეტზე გატარებულ 21:29 წუთში, მამუკელაშვილმა 7 ქულის, 7 მოხსნისა და 3 შედეგიანი გადაცემის დაგროვება შეძლო.