საქართველოს ეროვნული ნაკრების ცენტრი, გოგა ბითაძე ,,ინდიანა პეისერსში” 2022-2023 წლების სეზონამდე ითამაშებს. ინფორმაციას გუნდის ოფიციალური ვებგვერდი ავრცელებს.
კონტრაქტის თანახმად, მომავალ სეზონში ბითაძე ,,ინდიანასგან” 4.7 მილიონ დოლარს მიიღებს.
გოგა ,,პეისერსის” შემადგენლობაში მესამე წელია თამაშობს და მატჩში საშუალოდ 4 ქულას, 2.6 მოხსნასა და 1 დაფარებას აგროვებს.
,,ინდიანამ” ახალი სეზონი ძალიან ცუდად დაიწყო – რიკ კარლაილის გუნდი 1 მოგებითა და 6 წაგებით აღმოსავლეთ კონფერენციის ბოლოსწინა, მე-14 პოზიციაზეა. დღეს ,,პეისერსი” ,,ტორონტოსთან” 3-ქულიანი სხვაობით, ანგარიშით 94-97 დამარცხდა, ბითაძემ პარკეტზე გატარებულ 10 წუთში 2 მოხსნა, 2 დაფარება და 1 შედეგიანი გადაცემა მოაგროვა.
NEWS: We have exercised the 2022-23 team option on the rookie scale contract of center Goga Bitadze.https://t.co/sOe1EmIT0i
— Indiana Pacers (@Pacers) October 30, 2021