27 აგვისტოს ნაციონალური საკალათბურთო ასოციაციის საპლეიოფო დაპირისპირებების 3 თამაში ბოიკოტის მიზეზით გადაიდო.
ბოიკოტის მიზეზი ვისკონსინის შტატში პოლიციელების მიერ აფროამერიკელი ჯეიკობ ბლეიკის დაჭრაა, რამაც ქვეყანაში მასობრივი პროტესტი გამოიწვია.
საპროტესტო ტალღას ცინცინატის მასტერსზე მოასპარეზე ჩოგბურთელებიც შეუერთდნენ.
აღსანიშნავია, რომ ბოიკოტი მხოლოდ 1-დღიანი უნდა ყოფილიყო, თუმცა უახლესი ინფორმაციის თანახმად ნაციონალური საკალათბურთო ასოციაციის ორი უძლიერესი გუნდი – “ლეიკერსი” და “კლიპერსი” ბოიკოტს მთლიანად წლევანდელ სეზონს უცხადებენ.
რამდენად რეალურია სეზონის ჩაშლა მომხდარი ინციდენტის გამო ამას დრო გვაჩვენებს, აღნიშნულ საკითხზე ერთ-ერთმა საკალათბურთო ექსპერტმა საკუთარი აზრი დააფიქსირა:
“ვფიქრობ, რომ საპროტესტო ტალღა ძალადობრივი ქმედებების მიმართ კარგია, თუმცა ამის გამო მთლიანი სეზონის ჩაშლა?! დაუჯერებელია… ძალიან მაინტერესებს რა გაგრძელება მოყვება აღნიშნულ საკითხს და როგორ განვითარდება მოვლენები”, – აცხადებს კალათბურთის ანალიტიკოსი.
