ნაციონალური საკალათბურთო ასოციაციის განვითარების ლიგის (NBA G-League) რეგულარული სეზონის შეხვედრაში, “გრანდ რაპიდსისა” და “ვისკონსინის” დაპირისპირება შედგა.
დაძაბული მატჩის გამარჯვებულის გამოსავლენად, ოვერტაიმის დანიშვნა გახდა საჭირო, რომელშიც მასპინძლებმა უკეთ იასპარეზეს და საბოლოოდ შეხვედრა “გრანდ რაპიდსის” გამარჯვებით, 129:122 დასრულდა.
“ვისკონსინის” რიგებში ქართველმა ფორვარდმა – სანდრო მამუკელაშვილმა იასპარეზა, რომელმაც პარკეტზე გატარებულ 32 წუთში, 20 ქულის, 8 მოხსნისა და 3 შედეგიანი გადაცემის დაგროვება შეძლო. მამუკელაშვილმა ერთ-ერთ ეპიზოდში ბრწყინვალე ჩატენვითაც გამოიჩინა თავი.