NBA-ის რეგულარული სეზონის შეხვედრაში ,,ნიუ ორლეანს პელიკანსმა” ,,მილუოკი ბაქსს” უმასპინძლა და ოვერტაიმში ოთქულიანი სხვაობით, ანგარიშით 116:112 დაამარცხა (ძირითადი დრო 103:103 დასრულდა).
ზედიზედ მეოთხე მატჩში ითამაშა სანდრო მამუკელაშვილმა, რომელმაც პარკეტზე გატარებულ 18 წუთში 6 ქულა, 4 მოხსნა, 2 შედეგიანი გადაცემა, 2 დაფარება და 1 ჩაჭრა მოაგროვა. ქართველმა ფორვარდმა 4-დან 2 სამქულიანი ჩააგდო. ,,ბაქსს” 40 ქულით 5 მოხსნით, 5 პასითა და 2 ჩაჭრით ჯრუ ჰოლიდეიმ ულიდერა.
,,პელიკანსის” შემადგენლობაში დევონტე გრემი გამოირჩა – უკანახაზელმა 26 ქულას, 4 ასისტს, 4 მოხსნასა და 3 ჩაჭრას მოუყარა თავი. 24 ქულა, 7 მოხსნა, 3 შედეგიანი გადაცემა, 2 დაფარება და 1 ჩაჭრა იყო იონას ვალანჩუნასის ანგარიშზე.
,,მილუოკი” 19 მოგებითა და 12 მარცხით აღმოსავლეთ კონფერენციის მესამე პოზიციაზეა. მამუკელაშვილის გუნდი მომავალ შეხვედრას 19 დეკემბერს, ,,კლივლენდ კავალიერსის” წინააღმდეგ გამართავს.
მატჩის მიმოხილვა
