“ოკლაჰომა სითი თანდერი” – ნაციონალური საკალათბურთო ასოციაციის 2018/19 წლების სეზონი გუნდისთვის 53-ე იქნება.
გუნდში საკმაოდ საინტერესო ცვლილებებია. გუნდი დატოვა კარმელო ენტონიმ, თუმცა “ატლანტადან” დენის შროდერი დაიმატეს.
გუნდის სავარაუდო სასტარტო ხუთეული ასეთი იქნება:
რასელ ვესტბრუკი – 35.3 მილიონი დოლარი
პოლ ჯორჯი – 30.5 მილიონი დოლარი
სტივენ ადამსი – 24.1 მილიონი დოლარი
ჯერამი გრანტი – 8.65 მილიონი დოლარი
ანდრე რობერსონი – 10 მილიონი დოლარი
პრესეზონი:
წინასასეზონოდ გუნდმა 4 შეხვედრა ჩაატარა, საიდანაც მხოლოდ პირველი დათმო საკუთარ მოედანზე “დეტროიტ პისტონსის” წინააღმდეგ ანგარიშით 91:97.
გასვლით შეხვედრაში დაამარცხეს “მინესოტა ტიმბერვულვზი”.
7 და 10 ოქტომბერს კი საკუთარ კედლებში ჯერ “ატლანტა”, შემდეგ კი “მილუოკი” დაამარცხეს.
რეგულარული სეზონი:
“ოკლაჰომას” რეგულარული სეზონის გახსნის დღეს, 17 ოქტომბერს, ყველაზე რთულ მეტოქეს “გოლდენ სტეიტ უორიორსს” დაუპირისპირდება.
20 ოქტომბერს ლოს-ანჯელესში გადაინაცვლებს, სადაც “კლიპერსს” დაუპირისპირდება.
22 ოქტომბერს კი საკუთარ კედლებში “საკრამენტო კინგსს” შეხვდებიან.
სპეციალისტების აზრით “ოკლაჰომა” საკუთარ კონფერენციაში ერთ-ერთი ყველაზე ანგარიშგასაწევი გუნდი იქნება.
