მსოფლიო ჩემპიონატის საკვალიფიკაციო ეტაპის შეხვედრაში საქართველოს საკალათბურთო ნაკრებმა სტუმრად ნიდერლანდებს 8-ქულიანი სხვაობით, ანგარიშით 88-80 მოუგო.
ილია ზუროსის გუნდს თორნიკე შენგელიამ ულიდერა, რომელმაც 30 წუთში 25 ქულა, 6 მოხსნა, 3 შედეგიანი გადაცემა და 2 ჩაჭრა მოაგროვა. 22 ქულა და 6 მოხსნა იყო გიორგი შერმადინის ანგარიშზე.
ნიდერლანდების ნაკრებში იანიკ კრააგი გამოირჩა, უკანახაზელმა 23 ქულას, 9 მოხსნასა და 1 დაფარებას მოუყარა თავი.
საქართველოს ეროვნული ნაკრები მსოფლიო ჩემპიონატის შესარჩევი ეტაპის დასკვნით შეხვედრას კვირას, 26 თებერვალს, თბილისში, ისლანდიის წინააღმდეგ გამართავს და გამარჯვების შემთხვევაში, ტურნირის საგზურს გაიფორმებს.
Thad says: GAME OVER 🎮#FIBAWC x #WinForGeorgia pic.twitter.com/io2ivOXQDP
— FIBA Basketball World Cup (@FIBAWC) February 23, 2023
