VTB ლიგის შეხვედრაში მოსკოვის ,,ცსკა” ყუბანის ,,ლოკომოტივთან” სტუმრად 9-ქულიანი სხვაობით, ანგარიშით 94-103 დამარცხდა.
საქართველოს ეროვნული ნაკრების კაპიტანმა, თორნიკე შენგელიამ, არასრულ 30 წუთში 25 ქულა (პირადი რეკორდი ცსკა-ს შემადგენლობაში), 5 მოხსნა, 3 შედეგიანი გადაცემა, 1 ჩაჭრა და 1 დაფარება მოაგროვა. თოკომ 15-დან 11 ორქულიანი ჩააგდო (პირადი რეკორდი ცსკა-ს შემადგენლობაში). ფორვარდის მარგი ქმედების კოეფიციენტმა 28 შეადგინა, რაც მოსკოვურ გუნდში საუკეთესო იყო.
,,ლოკომოტივს” 25 ქულით, 6 მოხსნითა და 2 ასისტით მინდაუგას კუზმინსკასმა ულიდერა.
,,ცსკა” 16 მოგებითა და 7 წაგებით ცხრილის მე-4 პოზიციაზეა, ,,ლოკომოტივი” კი 17 მოგებითა და 6 მარცხით მე-3 ადგილს იკავებს.
შენგელიას გუნდი მომავალ მატჩს 21 აპრილს, ევროლიგის ფლეიოფში, ,,ფენერბახჩეს” წინააღმდეგ გამართავს.
Уступаем @lokobasket…
📊@TokoShengelia23: 25 очков, 5 подборов, 3 передачи @Da_Thrill21: 15 очков, 2 передачи@DHilliard6X: 15 очков, 4 передачи, 3 подбора #CSKAbasket pic.twitter.com/UgKdQeTz2u
— CSKA Moscow (@cskabasket) April 17, 2021