თორნიკე შენგელიას “ცსკა” ევროლიგის მე-15 ტურის შეხვედრაში საკუთარ არენაზე ყაზანის “უნიქსს” მასპინძლობდა.
საქართველოს ეროვნული ნაკრების კაპიტანმა თამაში სასტარტო ხუთეულიდან დაიწყო და პირველ მეოთხედში ფაქტობრივად შეუჩერებელი იყო, თუმცა მიუხედავად ამისა არმიელები პირველი ნახევრის შემდეგ 18-ქულიანი სხვაობით მარცხდებოდნენ.
“ცსკა”-სთვის ვერც მეორე ნახევარმა ივარგა და საბოლოოდ 2012 წელს დაფიქსირებული ანტირეკორდი (საკუთარ არენაზე ბარსელონას წინააღმდეგ წაგებული მატჩი 21-ქულის სხვაობით – 60:81) გამეორდა – ამჯერად წითელარმიელებმა ანგარიშით – 67:88, წააგეს.
თორნიკემ პარკეტზე გატარებულ 25:12 წამში, 20 ქულას, 6 მოხსნასა და 2 შედეგიან გადაცემას მოუყარა თავი.
უნდა აღინიშნოს, რომ “ცსკა”-ს წლევანდელ ევროლიგაზე მისთვის უჩვეულოდ, 15 შეხვედრის ჯამში 6 მარცხი უფიქსირდება, რითაც მე-7 პოზიციას იკავებს.
შეხვედრის მიმოხილვა | VIDEO
![შენგელიას 20 ქულის მიუხედავად ცსკა დამარცხდა | ანტირეკორდი 1 video](https://www.live.ge/wp-content/uploads/2021/12/shengeliaa.png)