ევროპული კალათბურთის ყველაზე ძლიერი ჩემპიონატი ესპანეთის ლიგა ენდესაა, რომელშიც ამჟამად ორი ქართველი – გიორგი შერმადინი და ბექა ბურჯანაძე ასპარეზობენ.
შერმადინი “ტენერიფეს” რიგებში ირიცხება, სადაც თითოეულ შეხვედრაში საკუთარი გუნდისთვის უმნიშვნელოვანეს როლს ასრულებს და დანამდვილებით შეიძლება ითქვას, რომ გუნდისთვის ერთ-ერთი უმნიშვნელოვანესი ფიგურაა.
💪 ¡El gigante @gioshermadini se adueñó de la pintura para hacerse con el #MVPMovistar de marzo!
1⃣7⃣,2⃣ puntos
6⃣ rebotes
7⃣7⃣% en T2
2⃣4⃣,4⃣ valoración@movistar_es | #LigaEndesa pic.twitter.com/kI33LzA7Uf— Liga Endesa (@ACBCOM) April 1, 2022
32 წლის ქართველმა კალათბურთელმა, რომელსაც წარსულშიც არაერთი მსგავსი ტიპის აღიარება ჰქონია, მარტის თვის საუკეთესო მოთამაშის სტატუსი ანუ თვის MVP-ს წოდება მიიღო.
მარტის თვეში ტენერიფემ 5 შეხვედრა ჩაატარა, საიდანაც 4 მათგანი გამარჯვებით დაასრულა.
“ტენერიფე” ACB ლიგის სატურნირო ცხრილში, 15 მოგებითა და 9 მარცხით, მე-6 პოზიციას იკავებს.
მომდევნო შეხვედრას შერმადინის გუნდი, დღეს, პირველ აპრილს, თბილისის დროით 23:00 საათზე გამართავს. “ტენერიფეს” სტუმრად “ვალენსიას” წინააღმდეგ იასპარეზებს.