საქართველოს ეროვნული საკალათბურთო ნაკრების კაპიტანი თორნიკე შენგელია 20-დღიანი პაუზის შემდეგ პარკეტზე დაბრუნდა.
თავდაპირველი მოლოდინით, მხრის ტრავმის გამო, თორნიკეს 2 თვე უქმობა უწევდა, თუმცა მოვლენები სხვაგვარად განვითარდა. ქართველ ლეგიონერს არანაირი ქირურგიული ჩარევა არ დასჭირდა, რის გამოც მოედანს ნავარაუდებზე ნაკლებ დროში დაუბრუნდა.
თორნიკემ “ცსკა”-ის რიგებში, VTB ლიგაში, ესტონეთში, „კალევის“ წინააღმდეგ ითამაშა. მოსკოველებმა შეხვედრა 11-ქულიანი სხვაობით, 56:67 წააგეს.
შენგელიამ პარკეტზე გატარებულ 24 წუთში – 7 ქულას, 5 მოხსნას, 4 შედეგიან გადაცემას, 2 დაფარებასა და 1 ჩაჭრას მოუყარა თავი.
“ცსკა” მომდევნო მატჩს ევროლიგის ეგიდით, 4 ნოემბერს, „ფენერბაჰჩეს“ წინააღმდეგ გამართავს.
