ანტალიის გრანდ სლემი, რომელიც 1-3 აპრილს მიმდინარეობს, დასასრულს მიუახლოვდა. ანტალიის გრანდ სლემის მეორე საშეჯიბრო დღეს, საქართველოს ნაკრებმა პირველი ოქროს მედალი მოიპოვა, ოქროს მედალი 19 წლის ქართველმა ფალავანმა – გიორგი ტერაშვილმა მოიგო.
ბოლო საშეჯიბრო დღეს კი, საქართველოს ნაკრების სახელით 6 სპორსმენი იასპარეზებს, აქედან 5 კაცი ერთი კი ქალი
-90 კგ
-90 კგ წონით კატეგორიაში, საქართველოს ნაკრების ღირსებას 2 სპორტსმენი: ბექა ღვინიაშვილი და ლუკა მაისურაძე დაიცავენ.
ბექა ღვინიაშვილი B ბადეში მიიღებს მონაწილეობას და განთესილი იქნება, შესაბამისად ასპარეზობაში მეორე ეტაპიდან ჩაერთვება, სადაც მეტოქედ ბოსნიელ – ტონი მილეტიჩსა და ნიდერლანდელ – ნოელ ვან ტენდს შორის გამარჯვებულს შეხვდება.
რაც შეეხება ლუკა მაისურაძეს, ლუკა D ბადეში გამოვა და განთესილი იქნება, შესაბამისად ლუკაც მეორე ეტაპიდან ჩაერთვება ასპარეზობაში. ლუკას მეტოქე, თურქ – ომერ აიდინსა და სამხრეთ აფრიკელ – ტომას-ლასლო ბრეიტენბახს შორის გამარჯვებული იქნება.
ექსპერტების აზრით, ლუკა მაისურაძეს მინიმუმ ნახევარფინალამდე შეუძლია მისვლა, ბექა ღვინიაშვილი კი თუ ნიდერლანდელ მეტოქეს მოუგებს, შესაძლებელია ფინალამდე მივიდეს.
-100 კგ
-100 კგ წონით კატეგორიაშიც 2 სპორტსმენი გვეყოლება: ონისე სანებლიძე და გიორგი ბერიაშვილი.
ონისე სანებლიძე A ბადეში განთსილი იქნება და ასპარეზობაში მეორე ეტაპიდან ჩაერთვება, სადაც ჩილელ – ტომას ბრიკენოს დაუპირისპირდება. გამარჯვების შემთხვევაში, 1/8 ფინალში, ონისეს მეტოქე ბრიტანელი – რაის ტომპსონი იქნება. ონისე სანებლიძეს რეალური შანსი აქვს, რომ ნახევარფინალში იჭიდავოს.
რაც შეეხება გიორგი ბერიაშვილს, გიორგის ბადეში არ გაუმართლა და ასპარეზობაში პირველივე ეტაპიდან ერთვება, სადაც ბრაზილიელ – უილიამ სოუსას დაუპირისპირდება. ბრაზილიელი მეტოქის დამარცხების შემთხვევაში, გიორგის მეტოქე კანადელი – შედი ელნაჰასი იქნება, რომელიც ამ წონის ერთ-ერთი მთავარი ფავორიტია.
+100 კგ
+100 კგ-ში საქართველოს დროშის ქვეშ მსოფლიო ჩემპიონი და 2020 წლის ტოკიოს ოლიმპიადის ვერცხლისმედალოსანი – გურამ თუშიშვილი იჭიდავებს.
გურამი ამ წონის ერთ-ერთი მთავარი ფავორიტია, შესაბამისად იგი განთესილია და ასპარეზობაში მეორე ეტაპიდან ჩაერთვება და ავსტრიელი მეტოქე – დანიელ ალერსტორფერი ეყოლება. გურამი C ბადეშია და მას საკმაოდ დიდი შანსი აქვს, რომ ფინალამდე უპრობლემოდ მივიდეს.
+78 კგ
+78 კგ-ში, საქართველოს ნაკრების ღირსებას სოფიო სომხიშვილი დაიცავს. სოფიო D ბადეში მიიღებს მონაწილეობას და განთესილი არ არის, შესაბამისად ასპარეზობას პირველივე ეტაპიდან იწყებს. მისი მეტოქე, პოლონელი – კინგა ვოლსიაკი იქნება. პოლონელის დამარცხების შემთხვევაში კი, ფრანგ – ლი ფონტაინს დაუპირისპირდება.
წინასწარი შეხვედრები თბილისის დროით 10:30, ხოლო ფინალური ბლოკი კი 18:00 საათზე დაიწყება.