ენტონი ჯოშუა, რომელიც თანამედროვე ბოქსის სამყაროში ერთ-ერთი ყველაზე ცნობილი მებრძოლია, 2020 წლის მაისში მომდევნო ბრძოლას გამართავს.
“ეიჯიმ” უკანასკნელ ორთაბრძოლაში ენდი რუიზ ჯუნიორი განმეორებით შეხვედრაში დაამარცხა, სწორედ ამ უკანასკნელმა მოახერხა, რომ ჯოშუას 22-მატჩიანი დაუმარცხებელი სერია შეეწყვიტა და ე.წ “Unbeaten” (Unbeaten – დაუმარცხებელი) სტატუსიც სამუდამოდ ჩამოერთმია.
ენტონი ჯოშუას მომდევნო მეტოქე კუბრატ პულევი იქნება, რომელიც ერთ-ერთი გამორჩეული ბულგარელი მებრძოლია. აღსანიშნავია, რომ მსგავსად ჯოშუასი, მასაც მხოლოდ ერთი მარცხი აქვს კარიერის განმავლობაში.
გთავაზობთ ენტონი ჯოშუასა და კუბრატ პულევის მიერ ჩატარებული ორთაბრძოლების მცირე სტატისტიკას:
ენტონი ჯოშუა
ჩატარებული ბრძოლა: 24
გამარჯვება: 23
გამარჯვება ნოკაუტით: 21
მარცხი: 1
კუბრატ პულევი
ჩატარებული ბრძოლა: 29
გამარჯვება: 28
გამარჯვება ნოკაუტით: 14
მარცხი: 1
გავრცელებული ინფორმაციის თანახმად ჯოშუასა და პულევის ბრძოლა 2020 წლის მაისში, სტამბოლში, კერძოდ – “Vodafone პარკში” გაიმართება.