სუმოს სამყარო 2021 წლის უკანასკნელ სუპერტურნირს – კიუშუ ბაშოს ადევნებს თვალყურს.
ნოემბრის ბაშო იოკოძუნა ჰაკუჰოს კარიერის დასრულების შემდეგ პირველი ტურნირია – ამჟამად სუმოს სამყაროში მხოლოდ ერთი იოკოძუნაა ტერუნოფუჯის სახით.
მე-13 საშეჯიბრო დღის შემდეგ, იოკოძუნა ტერუნოფუჯი დაუმარცხებელ სვლას განაგრძობს, რაც იმას გულისხმობს, რომ მონღოლ მებრძოლს 13 მოგება და 0 მარცხი აქვს.
თავის მხრივ ტურნირზე მონაწილეობას იღებს ექს-ოძეკი ტოჩინოშინიც, რომელიც ბაშოს მე-5 დღეს დაუბრუნდა და ამჟამად 5 მოგების მოგროვება შეძლო. ქართველი მებრძოლი მე-13 მაეგაშირაა, რაც იმაზე მეტყველებს, რომ ის ჯურიოს დივიზიონში დაქვეითების საფრთხის წინაშეა.
გთავაზობთ გამომუშავებული თანხის მხრივ მოწინავე 5 მებრძოლს (12 დღის მონაცემები):
1. ტერუნოფუჯი – (257 კენშო) – 102,800$
2. ტაკაკეიშო – (121 კენშო) – 48,400$
3. შოდაი – (61 კენშო) – 24,400$
4. ენდო – (51 კენშო) – 20,400$
5. მიტაკეუმი – (43 კენშო) – 17,200$