26 სექტემბერს, UFC 266-ის ივენთზე მერაბ დვალიშვილმა ბრაზილიელი მარლონ მორაეში ტექნიკური ნოკაუტით დაამარცხა და UFC-ში ზედიზედ მეშვიდე გამარჯვება მოიპოვა.
მერაბ დვალიშვილის გამარჯვების შემდეგ, Instagram-ზე ხაბიბ ნურმაგომედოვის ბიძაშვილის – უმარ ნურმაგომედოვის პოსტი გავრცელდა. დაღესტნელი მებრძოლი იმედს გამოთქვამს, რომ ოდესმე დვალიშვილს ოქტაგონზე დაუპირისპირდება.
“თეთრი ფაფახი შავი ფაფახის წინააღმდეგ. ოდესმე”, – აღნიშნა უმარ ნურმაგომედოვმა.
UFC-ში უმარ ნურმაგომედოვის დებიუტი 2021 წლის 20 იანვარს შედგა. დაღესტნელმა სერგეი მოროზოვი დაამარცხა და ჯერ-ჯერობით ეს ერთადერთი ბრძოლაა, რომელიც ნურმაგომედოვმა UFC-ში გამართა.
View this post on Instagram
