წყალბურთის ჩემპიონთა ლიგის ძირითადი ჯგუფების დასაკომპლექტებელი წილისყრა ოსტიაში გაიმართა.
წილისყრა ქართული სპორტული აუდიტორიისთვისაც საინტერესო იყო, ვინაიდან ევროპის ყველაზე პრესტიჟულ ტურნირზე “დინამო თბილისიც” იღებს მონაწილეობას.
წილისყრის შედეგად საკმაოდ საინტერესო სამომავლო დაპირისპირებების მოლოდინი შეიქმნა, ვინაიდან ერთ ჯგუფში 2019 წლის ჩემპიონი და წლევანდელი ვიცე-ჩემპიონი “ფერენცვაროში”, 2018 წლის გამარჯვებული “ოლიმპიაკოსი” და 2014 წლის გამარჯვებული და მოქმედი ნახევარფინალისტი “ბარსელონეტა” მოხვდნენ.
სამწუხაროდ და ამავდროულად საბედნიეროდაც, გამოცდილების კუთხით, ქართული კლუბი ზემოთხსენებულ ურთულეს ჯგუფში მოხვდა.
იხილეთ ჯგუფები:
A ჯგუფი
- “ფერენცვაროში”;
- “ბარსელონეტა”;
- “ოლიმპიაკოსი”;
- “დინამო თბილისი”;
- “ნოვი ბელგრადი”;
- “რადნიჩკი”;
- “კვალიფიკაციის გამარჯვებული”; (D)
- “კვალიფიკაციის გამარჯვებული”; (A)
B ჯგუფი
- “პრო რეკო”;
- “დუბროვნიკი”;
- “ჰანოვერი”;
- “მარსელი”;
- “სპანდუ ბერლინი”;
- “სტიაუა”;
- “კვალიფიკაციის გამარჯვებული”; (B)
- “კვალიფიკაციის გამარჯვებული”; (C)
ჩემპიონთა ლიგის 2021/22 წლების სეზონი 22 სექტემბრიდან აიღებს სტარტს.
TOP 8 გუნდით დაკომპლექტებულ საფინალო სერიებს ბელგრადი, 30 ივნისიდან 2 ივლისის ჩათვლით, უმასპინძლებს.
შეგახსენებთ, რომ Live.ge “დინამო თბილისის” მედიაპარტნიორია.
