13 მარტს 2022 წლის სუმოს რიგით მეორე სუპერტურნირი – ჰარუ ბაშომ აიღო სტარტი, რომელიც ტრადიციულად 15 დღის განმავლობაში აქტიურ ფაზაში იქნება.
ტურნირზე მონაწილეობას ამ სპორტის ფაქტობრივად ყველა სუპერვარსკვლავი მიიღებს.
სად ტარდება ბაშო?
ოსაკას პრეფექტურის გიმნაზიუმი
მარტის ბაშოს ოსაკას პრეფექტურის გიმნაზიუმი უმასპინძლებს, რომელიც 8,000 ადამიანს იტევს.
მარტის ბაშო საკმაოდ დაძაბულად მიმდინარეიბს, 6 დღის მონაცემებით ტურნირის საჩემპიონო ცხრილს ექს-ოძეკი ტაკაიასუ 6 მოგებით ლიდერობს. 5-5 მოგებას კი სამი სუმოისტი აფიქსირებს – განვლილი ბაშოს ჩემპიონი – ოძეკი მიტაკეუმი, ვაკატაკაკაგე და კოტონოვაკა.
სუმოისტების მიერ გამომუშავებული თანხა | 6 დღის მონაცემები
ტერუნოფუჯი – 74 კენშო (29,600$)
მიტაკეუმი – 72 კენშო (28,800)
ტაკაკეიშო – 41 კენშო (16,400$)
დაიეიშო – 40 კენშო (16,000$)
ენდო – 33 კენშო (13,200$)
ტოჩინოშინი
ტოჩინოშინი, ბოლო რამდენიმე წლის განმავლობაში, ზედიზედ მეორე ბაშოა, მისთვის “ანტირეკორდულ” საფეხურზეა გამწესებული, თუმცა ქართველი ექს-ოძეკი ამ დროისათვის მესამე საუკეთესო შედეგს – 4 მოგებასა და 2 მარცხს აფიქსირებს. სამწუხაროდ, გამომუშვებული კენშოების რაოდენობით 6 დღის შემდეგ ათეულს მიღმაა.
