ახალი კვირიდან საჩოგბურთო სამყაროში ერთდროულად რამდენიმე ტურნირი დაიწყო, მათ შორისაა ლიონში მიმდინარე 250-ქულიანი ტურნირი, სადაც პირველ ნომრად საქართველოს ყველა დროის საუკეთსო ჩოგბურთელი ნიკოლოზ ბასილაშვილია განთესილი.

ბასილაშვილის მეტოქე პირველ ეტაპზე ტრისტან ლამასინი გახლდათ, რომელიც მსოფლიო რეიტინგში 270-ე პოზიციაზე იმყოფება, მას საკმაოდ მარტივად 2 სეტში, ანგარიშით – 7:5, 7:5 გაუსწორდა.

მეორე რაუნდში ქართველის მეტოქე საკმაოდ გამოცდილი ფრანგი – ჯო-უილფრიდ ცონგა იქნება, რომელიც 85-ე ჩოგანია. შეხვედრა 23 მაისს, თბილისის დროით 17:15-ზეა ჩანიშნული.

ლიონის ტურნირს მოიხსენიებენ, როგორც როლან გაროსის მოსამზადებელ ასპარეზს.

ნიკოლოზ ბასილაშვილი მეორე ეტაპზეა, მეტოქე კი საკმაოდ რთული ეყოლება!