საქართველოს პირველმა და მსოფლიო რეიტინგის 26-ე ნომერმა, ნიკოლოზ ბასილაშვილმა, 2022 წლის დიდი სლემის ტურნირი – უიმბლდონი, გამარჯვებით გახსნა.
ნიკოლოზ ბასილაშვილმა დრამატულ 5 სეტიან ბრძოლაში, ვეტერანი ჩეხი – ლუკას როსოლი 6:7; 7:6; 3:6; 6:3; 6:4 დაამარცხა და 1/32-ფინალში გავიდა, სადაც მისი მეტოქე ფრანგი – კვენტინ ჰალისი იქნება, რომელიც მსოფლიო რეიტინგის 82-ე ნომერია.
ამ გამარჯვებით ნიკოლოზ ბასილაშვილმა ჩეხ სპორტსმენთან პირად ურთიერთშეხვედრებში სტატისტიკა გაიუმჯობესა. აქამდე ისინი 2-ჯერ იყვნენ შეხვედრილები, სადაც ერთხელ გამარჯვება ქართველს, მეორედ კი ჩეხ ჩოგბურთელს დარჩა.
ქართულ-ფრანგული დაპირისპირება 29 ივნისს შედგება.
