20-წლამდე ექვსი ერის ზაფხულის სერიების ჯგუფური ეტაპის დასკვნით შეხვედრას, უმცროსი “ბორჯღალოსნები” შოტლანდიის წინააღმდეგ გამართავენ. პრიციპული დაპირისპირება, 6 ივლისს, თბილისის დროით, 19:00 საათზე შედგება.
უმცროსი “ბორჯღალოსნების” მთავარმა მწვრთნელმა – ლადო კილასონიამ, შოტლანდიის წინააღმდეგ შემადგენლობა დაასახელა. აღსანიშნავია, რომ რაზმში 4 ცვლილებაა.
ფულბეკის პოზიციაზე თამაშს პირველად იწყებს საბა ლიპარტელიანი, რომელიც წინა ორ შეხვედრაში მარქაფაში იყო. შეიცვალა ღერძიც, სადაც 9 ნომრის პოზიციაზე დავით ხუროშვილი დაბრუნდა, ხოლო მგეზავად პეტრე ხუციშვილი (ლელო). ერთი ცვლილებაა პირველ ხაზში, სადაც სასტარტო შემადგენლობაში ალექსანდრე ქუნთელია ბრუნდება.
შეგახსენებთ, 20-წლამდე ექვსი ერის ზაფხულის სერიების ჯგუფური ეტაპის საწყის ორ ტურში, U20 საქართველოს მორაგბეთა ნაკრები იტალიასა და უელსს დაუპირისპირდა. სამწუხაროდ, უმცროსი “ბორჯღალოსნები” ორივე შეხვედრაში მძიმე ბრძოლაში დამარცხდნენ.
ფოტო: საქართველოს რაგბის კავშირი
წყარო: საქართველოს რაგბის კავშირი