საქართველოს მორაგბეთა ეროვნული ნაკრების ერთ-ერთი ლიდერი და ფრანგული “პოს” კაპიტანი – ბექა გორგაძე, უპრესტიჟულეს ინდივიდუალურ სარაგბო ჯილდოზეა ნომინირებული.
ოფიციალურად დადასტურებული ინფორმაციის თანახმად, “პოს” მესამეხაზელი სარაგბო ოსკარის ოქროს პრემიაზეა ნომინირებული. Midi Olympique-ს Oscars midol-ის დაჯილდოება 23 ივნისს გაიმართება. ბექა გორგაძისთვის ხმის მიცემა Midi Olympique-ს ვებ-ვერდზე-ა შესაძლებელი.
შეგახსენებთ, Midi Olimpique-ს რჩეულთა შორის სხვადასხვა დროს ორი ქართველი მორაგბე დასახელდა. პირველად სარაგბო ოსკარი ლეგენდარულ მამუკა გორგოძეს ერგო, ხოლო დაახლოებით 2 თვის წინ, ქართული რაგბის ამომავალი ვარსკვლავი დავით ნინიაშვილი აღნიშნული ჯილდოთი დააჯილდოვეს.
