პარამკლავჭიდში, მოლდოვაში გამართულ ევროპის ჩემპიონატზე, საქართველოს პარამკლავჭიდის ნაკრებმა წარმატებით იასპარეზა და გუნდური პირველი ადგილი დაიკავა.
ქართველმა პარამკლავჭიდელებმა ჯამში 101 მედლის მოპოვება შეძლეს (45 ოქრო, 48 ვერცხლი, 8 ბრინჯაო). ევროსარბიელზე წარმატებული ასპარეზობის შემდეგ, საქართველოს პარამკლავჭიდის ნაკრები მსოფლიო ჩემპიონატისთვის მოემზადება, რომელიც აგვისტოში, ყაზახეთში გაიმართება.
