ქალთა შორის საფრანგეთის ღია პირველობის გამარჯვებული მსოფლიოს პირველი ჩოგანი – იგა სვიონტეკი (პოლონეთი) გახდა, რომელმაც ფინალში კაროლონა მუხოვას (ჩეხეთი, 43) 3 სეტში, ანგარიშით 6:2, 5:7, 6:4 მოუგო.
ფინალური შეხვედრა 2 საათსა და 49 წუთს გაგრძელდა. პოლონელმა ჩობურთელმა როლან გაროსზე სულ 7 შეხვედრა ჩაატარა და მხოლოდ ერთი სეტი დათმო.
სვიონტეკმა პარიზის გრანდ სლემის მოგებით 2000 სარეიტინგო ქულა და 2 300 000 ევრო გამოიმუშავა, მუხოვამ კი 1200 ქულა და 1 150 000 ევრო მიიღო.
იგა როლან გაროსის გამარჯვებული კარიერაში მესამედ გახდა – მსოფლიოს პირველმა ჩოგანმა დიდი სლემის ტურნირი 2020 წელს და შარშან მოიგო.
