მსოფლიო რეიტინგის 168-ე და საქართველოს პირველი ნომერი, 26 წლის ეკო გორგოძე ბიარიცის ITF ტურნირზე ასპარეზობს, სადაც პირველ შეხვედრაში რეიტინგის 154-ე ნომერ რუს ირინა ხრომაჩევას დაუპირისპირდა.
ქართველმა ჩოგბურთელმა რუსი მეტოქე პირველ სეტში დამაჯერებელი ანგარიშით – 6:3 დაამარცხა.
რაც შეეხება მეორე სეტს, დაძაბულ ბრძოლაში ეკო ტაიბრეიკზე ანგარიშით – 6:7 (8:10) დამარცხდა.
დასკვნით სეტში საქართველოს პირველმა ნომერმა მეტოქეს შანსი არ დაუტოვა და მშრალად დაამარცხა ანგარიშით – 6:0.
ეკოს მომდევნო მეტოქე ვერონიკა კეპედესა და პაულა ორმაეჩეას შორის გამარჯვებული იქნება.
Live.ge-ს სახელით წარმატებებს ვუსურვებთ ქართველ ჩოგბურთელს.
