21 წლის პოლონელმა ქალმა ჩოგბურთელმა – იგა სვიატეკმა, ისტორიული შედეგი დააფიქსირა.
კერძოდ კი, პოლონელი ჩოგბურთელი დღეს უიმბლდონის 2022 წლის გათამაშებაში ჩაერთო და პირველივე მატჩი ხორვატ ჩოგბუთელთან – ჟანა ფეტტთან 2 სეტში საკმაოდ მარტივად და დამაჯერებლად : 6:0; 6:3 გაიმარჯვა.
ეს გამარჯვება მისთვის ზედიზედ 36-ე იყო, რითიც XXI საუკუნეში გახდა პირველი ქალი ჩოგბურთელი, რომელმაც ზედიზედ 36 მატჩში შეძლო გამარჯვება. აქამდე ზედიზედ 34 მატჩი სერენა უილიამსს ჰქონდა მოგებული, 35 მატჩი კი – ვენუს უილიამსს.
It’s official: Iga Swiatek has the longest win streak of the century. pic.twitter.com/Odnu2Y8pia
— US Open Tennis (@usopen) June 28, 2022
შეგახსენებთ, რომ 21 წლის პოლონელმა ჩოგბურთელმა ზედიზედ 6 შეჯიბრი მოიგო: დოჰას მასტერსი, ინდიან უელსი, მაიამის მასტერსი, შტუტგარტის WTA 500, რომის მასტერსი და როლან გაროსი.