ყაზანის ,,რუბინის” მთავარმა მწვრთნელმა, ლეონიდ სლუცკიმ, ხვიჩა კვარაცხელიას ტრავმაზე ისაუბრა:
,,მატჩამდე ხვიჩამ გუნდთან ერთად ივარჯიშა და დაზიანება არ ჰქონია. ვფიქრობ, მას ბარძაყის უკანა ნაწილის ტრავმა აქვს.
ტომოგრაფიის ჩატარების შემდეგ გავიგებთ, რამდენად სერიოზულადაა საქმე,” – განაცხადა სლუცკიმ.
ხვიჩა კვარაცხელიამ ტრავმა ,,ურალთან” მატჩის 32-ე წუთზე მიიღო და მოედნის დატოვება ნაადრევად მოუწია. ,,რუბინმა” მატჩში 1-0 იმარჯვა.
მიმდინარე სეზონში ქართველი ფეხბურთელის ანგარიშზე ,,რუბინის” მაისურით ჩატარებულ 23 შეხვედრაში 4 გოლი და 8 საგოლე გადაცემაა. 20 წლის შემტევს რუსულ გუნდთან კონტრაქტი 2024 წლამდე აკავშირებს.
