დღეს მსოფლიო ჩემპიონატის საკვალიფიკაციო ეტაპის შეხვედრაში საქართველოს ეროვნული ნაკრები საბერძნეთს უმასპინძლებს.
ბათუმში, 26 მაისის ქუჩაზე მომხდარი ტრაგედიის გამო, უწყებათაშორისი საკოორდინაციო საბჭოს გადაწყვეტილებით, შეხვედრა მაყურებლის გარეშე ჩატარდება.
,,საკოორდინაციო საბჭოს 5 ოქტომბრის გადაწყვეტილება, მატჩზე მაყურებლის 33%-ის დაშვების შესახებ, ძალადაკარგულად გამოცხადდა. მაყურებელს ბილეთებში გადახდილი თანხა უკან დაუბრუნდება. მატჩზე დასწრებას შეძლებს მხოლოდ საბერძნეთის დელეგაცია, რომელიც უკვე ბათუმში იმყოფება და საქართველოს ფეხბურთის ფედერაციის წარმომადგენლები,” – ვკითხულობთ განცხადებაში.
საქართველოს ფეხბურთის ფედერაციის განცხადებით, ფიფამ და უეფამ მოთხოვნა მატჩის გადადებასთან დაკავშირებით არ დააკმაყოფილეს. შეხვედრა წუთიერი დუმილით დაიწყება, ფეხბურთელები კი შავი სამკლაურებით იასპარეზებენ.
